Presentada

Apu abettau incirca unu annu prima de agatai s'energia e sa gana de aberri unu logu pitticcheddu, aundi chistionai in Sardu e aundi piranciai de calichisiat cosas, mellus si no esti cosa de informatica, chi tengu giai unu attru logu aundi de discùrriri de computer.

Sa arrexioni poitta deu intendemmu si bisongiu de fai una cosa de aici est facili: sa limba Sarda est probabilmenti sa prus forti cosa chi ti podit fai intendi Sardu, e spezialmenti candu bivisi meras annus a fora de sa Sardigna (cosa chi est collegada con su titulu de custu blog) unu agattat s'abbisongiu de arremacciai is arrexinis suas. A sa fini, immoi deu sciu chistionai beni in duas limbas, s'Italianu e s'Ingresu, e mi seu imparendi un'attra puru, s'Olandesu. A no sciri sa limba chi determinat e definit totu is sardus fiat troppu brigungia, e non apu agattau perunu modu mellus de mi cimentai a dda scriri.

Si ddi fais prexeri de liggi cosas in Sardu, t'imbidu a mi sighiri in custas paginas. Si tenis puru gana de lassai calincunu cummentu, m'asi a fai cuntentu meda: a sa fini, deu bollu sceti de melliorai a chistionai in Sardu!