Wikipedia in Sardu bolit aggiurada
7 friàrgiu 2014 -- articulu iscrittu de skuroverba volant, scripta manent
Est prus de dexi annus chi Wikipedia est su primu de is médius chi istérrint informatzioni asuba de donnia sciènzia, dae sa literadura a sa matemàtica, dae sa storia a sa geografia. Mancai donniunu podit accontzai o agiúngiri in totu is paginas, gratzias a totus is voluntarius chi traballant pro a dda pompiai, sa calidadi bona mera de is articulos fait de Wikipedia unu de is canalis de importu prus mannu pro a istesiai connoscénzia.
Però, mancai custu est beru pro meras linguas in ue agattat articulos de Wikipedia, si andas a ti castiai is pàginas iscrittas in sardu, sa cosa non parrit pròpriu de aicci. Meras artìculos funti sceti una o duas fràsias, chi parint postas a paris sceti pro a nai chi unu artìculo pro cussu argomentu ddu tenneus in sardu puru: castiai·si sa calidadi de s'articulo asuba de Giovanni Lilliu pro a cumprendi cantu podeus essi mali pigaus, fintza pro argumentus de importu mannu mera pro is sardus e sa sardigna etotu chi su prus mannu de is archeologos sardos.
Podit essi chi is "wikipedianus" sardus informatzionis de calidadi non funti bonus a ddas accontzai a pari, si ddas depint iscriri in sardu? No, poitta giai ddus agattas articulos scittus beni meda, mancai pro argomentus calincuna borta chi ti lassant spantau che su de su Rugby.
Castiendi a s'attividadi in totu is paginas in sardu in Wikipedia, agattas mancai donnia disi calincunu chi accontzat o agiungit paginas, ma non funti meras e is prus bortas provant sceti a incumentzai unu articulu, ponendi a pari una o duas frasias. Su resurtau esti su chi apu nau in pitzu, chi sa sezioni sarda de Wikipedia esti "a frenu tirau" si dda accarat a sas in Ingresu e Italianu.
Meras sardus ant pigau a fueddai e arrexonai de sa limba. Si dda bois aggiudai diaderus, ponni·ti a scriri!
Disqus, innoi asuta, ddu furriant in sardu volontarius. Agiuda tui puru!